ថវិកាគោលនយោបាយចំនួន១៣៦.៩៦៣.៣៦០ រៀល ត្រូវបានលោកឧត្តមសេនីយ៍ទោ ស្នងការនគរបាលខេត្តកំពង់ធំបើកផ្ដល់ជូនមន្ត្រីនគរបាលជាតិចូលនិវត្តន៍
01-November-2018 | ដោយ ពលមនសិការ
កំពង់ធំ៖ នាព្រឹកថ្ងៃ ព្រហស្បតិ៍ ៨រោច ខែអស្សុជ ឆ្នាំច សំរឹទ្ធិស័ក ព.ស២៥៦២ត្រូវនឹងថ្ងៃទី១ ខែ វិច្ឆិកា ឆ្នាំ២០១៨ លោកឧត្តមសេនីយ៍ទោ អ៊ុក កុសល ស្នងការនគរបាលខេត្តកំពង់ធំបានអញ្ជើញសំណេះសំណាល និងប្រគល់ថវិកា គោលនយោបាយ ជូនដល់មន្ត្រីនគរបាលជាតិដែលបានចូលនិវត្តន៍ នៅស្នងការដ្ឋាននគរបាលខេត្តកំពង់ធំ។
វត្តមានចូលរួមមានលោកស្នងការរង នាយការិយាល័យនាយផ្នែកទទួលការងារគោលនយោបាយសោធននិវត្តន៍និងមន្ត្រីនគរបាលជាតិ ចូលនិវត្តន៍ចូលរួមប្រមាណ២៦នាក់ ស្រី០២នាក់។
លោកឧត្តមសេនីយ៍ទោ អ៊ុក កុសល ស្នងការនគរបាលខេត្តកំពង់ធំ បានពាំនាំនូវ ប្រសាសន៍ផ្ដាំផ្ញើរ សួរសុខទុក្ខដល់បងប្អូនមន្ត្រីនគរបាលជាតិ ចូលនិវត្តន៍ របស់សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ឯកឧត្តម នាយឧត្តមសេនីយ៍សន្តិបណ្ឌិត នេត សាវឿន អគ្គស្នងការនគរបាលជាតិឯកឧត្តម នាយឧត្តមសេនីយ៍ អគ្គស្នងរងការនគរបាលជាតិ និងជាប្រធាននាយកដ្ឋានបុគ្គលិក ឯកឧត្តម អភិបាលខេត្តកំពង់ធំដែលបានរំលឹកអំពីវិរៈភាព របស់បងប្អូនមន្ត្រីនគរបាលជាតិ ដែលបានចូលនិវត្តន៍ អស់រយៈពេលកន្លងមក អស់លោក លោកស្រី បានចូលរួមចំណែកខិតខំ បំពេញភារៈកិច្ច រក្សាសន្តិសុខ សណ្តាប់ធ្នាប់សង្គម បានស្ថេរភាពល្អ មកដល់បច្ចុប្បន្ន ។
ក្នុងឱកាស នេះយើងបានបើកផ្ដល់ជូននូវថវិកាគោលនយោបាយចំនួន១៣៦.៩៦៣.៣៦០រៀលជូនដល់មន្ត្រីនគរបាលជាតិ ចូលនិវត្តន៍ចំនួន ២២ នាក់ស្រី០២នាក់។
លោកឧត្តមសេនីយ៍ទោ អ៊ុក កុសល ស្នងការនគរបាលខេត្តកំពង់ធំ លើកឡើងអំពីអនុស្សាវរីយ៍ អំពី កិច្ចប្រតិបត្តិការ នានា ដើម្បីជាតិមាតុភូមិ ជាមួយអស់លោក លោកស្រី ក្នុងនោះចុះបង្ក្រាបទប់ស្កាត់មុខសញ្ញាប្រព្រឹត្តបទល្មើស និងខ្មាំងសត្រូវ ដែលមានចេតនាបំផ្លិចបំផ្លាញ ទ្រព្យសម្បត្តិ សេចក្តី សុខសប្បាយ របស់ប្រជាពលរដ្ឋ ដើម្បីការពារ ថែរក្សា សន្តិសុខ សណ្តាប់ធ្នាប់សង្គម។ នាពេលកន្លែងមក ដែលបានលេចចេញជាស្នាដៃ គុណបំណាច់ ដ៏ធំធេងរបស់អស់លោក លោកស្រី ក្នុងបព្វហេតុការពារ ជាតិមាតុភូមិ ថែរក្សា សន្តិសុខ សុវត្ថិភាព សណ្តាប់ធ្នាប់សាធារណៈជូនប្រជាពលរដ្ឋ និងសង្គមជាតិ ធានាបាន សន្តិភាព ស្ថេរភាពនយោបាយ និងការអភិវឌ្ឍ របស់សង្គមជាតិ។
លោកឧត្តមសេនីយ៍ទោ អ៊ុក កុសល ស្នងការនគរបាលខេត្ត បានមានប្រសាសន៍ ផ្ដាំផ្ញើ ដល់បងប្អូនទាំង បើមានក្ដីទុក្ខលំបាក គ្រាមានអាសន្ន អន់ក្រ និងរងភាពអយុត្តិធម៌ សូមបងប្អូន ទំនាក់ទំនងមកលោកឧត្តមសេនីយ៍ទោ ដើម្បីលោកជួយអន្តរាគមន៍ ដោះស្រាយ ទាន់ពេលវេលាហើយលោក និងអង្គភាពស្នងការដ្ឋាននគរបាលខេត្តកំពង់ធំ មិនបោះបង់ចោល បងប្អូនក្នុងហេតុការណ៍ ណាមួយឡើយព្រមទាំងបានជូនពរ ដល់អស់លោក លោកស្រី ដែលមានវត្តមាន ក្នុងពិធីនោះ សូមទទួលបាន សុខភាពល្អ កម្លាំងខ្លាំងក្លា បញ្ញាវាងវៃ និងសូមអោយជួបប្រទះតែពុទ្ធិពរទាំង៤ប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ ៕
ចំនួនអ្នកទស្សនា
- ថ្ងៃនេះ651
- ម្សិលមិញ16391
- សប្តាហ៍នេះ46881
- ខែនេះ162031
- ឆ្នាំនេះ162031
- សរុប20604487